AL MAZARAGN
Me ed nòm a fag Pavlen,
e a son un imbianchen,
con di pnii grand
e di roll cinen.
Sempar ed cherta
Al mi capel
Fat col foi d’un vec giurnel.
A son al mastar
di culur
e la ca at la pitur.
Par ferla curta, un poc n’artesta
e d’la pareid al visagesta.
In dimondi uccasion, cmè zert dutur,
a fag al lifting ai vostar mur.
Meza giurne, in znocc pighè e
cletra mete so par dal
schel, inscartuze.
Pr’an finir in un moc ed guai
me ‘d puletica a nin scorr mai.
Par ster po sempar da la rason,
an scorr gnanc ed religion.
Sempar in guerdia, a lavurer
Tgnîr i uc avert senza prigler.
La pol ander ben, st’arbelt un bidon
ch’it degan soul ti un paciugon.
Lasso pr’aria, senza la reid
Par fer n’artocc, in t ‘na pareid.
In ca da na spousa,
dentar un cantir
esar acrobata, a son dl’ amstir.
Sempar in mez ad un moc ed cinaz
as dventa vic mo as per zuvnaz.
I an al braza e la vetta scarabucédi
e gli urac tot sfuracédi
con na miriade d’urcein
t’hai pres tacher anc i tindein.
Me po can voi ster da manc
A dag la varnis senza i guant
Quand am feirum a ciaper fiè
Culour dal pnell a son dvintè,
Roll e pnii, cumpagn ed viaz
Invatta a l’man, me gno i tatuag.
Una mateina long a la strè
Un individu al m’ha farmè;
Stia fermo lì, dret son in pì
Po’ al ma anc fat dal fotografi.
Ben mo sit mat te umarel?
N’et mai vest un per ed bregh?
Pezzo d’arte eccezionale
Lo porteremo alla Biennale
Action Art, stu que l’un gè
E l’artesta ti prorpi tè.
Mai suzes un quel cumpagn.
Mo nel mai vest un mazaragn?
Nessun commento: